Paano Malalaman Kung Ang Isang Panaginip Ay Mula Kay Allah

Tatlong Pinagmumulan ng mga Panaginip:

May tatlong pinagmumulan ng mga naiisip natin—mula sa ating sarili, mula kay Allah, at mula sa kaaway. Ganoon din ang panaginip.

1. Panaginip mula sa Kaaway:
Ang mga panaginip na mula sa kaaway ay nagdadala ng takot, madilim, walang pag-asa, at puno ng tukso; ang mga bangungot ay malinaw na halimbawa nito.

2. Panaginip mula kay Allah:
Ang mga panaginip mula kay Allah ay maaaring magpakita o magbunyag ng hindi magagandang bagay na maaaring mangyari, pero laging may kasamang mensaheng ng pag-asa. Hindi nagdadagdag si Allah ng takot sa buhay mo; bagkus, binabawasan Niya ito. Maaaring ipakita Niya sa’yo sa panaginip ang dahilan ng iyong kinatatakutan, pero kasabay nito, ibibigay din Niya ang solusyon.

3. Panaginip mula sa Sarili:
Ang mga panaginip na mula sa sarili ay maaaring resulta ng mga iniisip, mga pangyayaring pinagdaanan, trauma, o reaksyon sa kapaligiran. Madalas, ito rin ay sumasalamin sa ating mga personal na hangarin at takot.

Mga Tanong na Makakatulong Para Maunawaan ang Kahulugan ng Panaginip:

1. Ano ang pinaka-dominanteng emosyon o pakiramdam sa panaginip?

   • Ito ang pinaka-importanteng clue. Ikaw ba’y natakot? Naging kumpiyansa? Ano ang nagdulot ng emosyon na iyon?

2. May bahagi ba ng panaginip na nagpapaalala sa iyo ng nangyari kahapon?

   • Kung oo, maaaring ito ay “association dream”, na konektado lang sa iyong mga karanasan kamakailan.

3. Saan naganap ang panaginip?

   • Ano ang kahulugan ng lugar na iyon para sa’yo? Nakakapagbigay ba ito ng kapanatagan o panganib?

4. Kaya mo ba itong ibuod nang hindi inaayos o binabago ang pagkakasunod-sunod para lang magmukhang may sense?

   • Tandaan, ang panaginip ay dapat intindihin kung paano ito nangyari, hindi kung paano mo gustong maintindihan.

5. Sino ang mga pangunahing karakter?

   • Sino sila para sa’yo? Ano ang naramdaman mo sa kanila? Ano ang aspeto ng sarili mo na maaaring kinakatawan nila? Tandaan, ang panaginip ay tungkol sa’yo, hindi sa ibang tao.

6. May mga simbolo ba na malinaw sa panaginip?

   • Alam mo ba kung ano ang ibig sabihin ng mga iyon sa personal mong karanasan o pananampalataya?

7. Paano ito nakakaapekto sa iyong personal na paglago?

8. Ano kaya ang potensyal na espiritwal sa iyo na nais ipahayag ng panaginip na ito?

Para Masabing Ang Isang Panaginip Ay Mula Kay Allah:

1. Sumasang-ayon ito sa Kasulatan.
   Halimbawa, ipinagbabawal ng Tawrat (Levitico 19:31) ang panghuhula, mangkukulam, at ang pakikipag-ugnayan sa mga espiritista. Kung gagamit si Allah ng mga simbolo, ito ay mga simbolo na may personal na kahulugan sa iyo na hindi sumasalungat sa banal na kasulatan.

2. Taglay nito ang karakter ni Allah.
   “Sapagkat ang Diyos ay hindi nagbigay sa atin ng espiritu ng takot, kundi ng kapangyarihan, pag-ibig, at **disiplina sa sarili.” (Injil, 2 Timoteo 1:7, Filipino Standard Version)

3. Totoo at tumpak ito.

4. Nagbubunga ito ng mabubuting bunga.
   “Ang bunga ng Espiritu ay pag-ibig, kagalakan, kapayapaan, pagtitiyaga, kabutihan, katapatan, kahinahunan, at **pagpipigil sa sarili.” (Injil, Galacia 5:22–23, Filipino Standard Version)

5. Tinuturo nito ang tao papunta kay Allah.
   Sa Tawrat (Deuteronomio 13 at 18), nagbibigay si Allah ng mga palatandaan upang makilala ang tunay na pahayag mula sa huwad.

6. Puno ito ng liwanag at kulay.
   Ang mga panaginip na mula kay Allah ay masigla, puno ng kulay, nagbibigay pag-asa, kasama ang isang kakaibang pakiramdam ng kapanatagan at kababalaghan, at nagpapakita ng isang aspeto ng karakter ng Diyos.